یاریگا –
راپۆرتە رۆژنامەوانیەكان ماوەی دووركەوتنەوەی جەمال موسیالا ئەستێرەی یانەی بایرن میونشن و هەڵبژاردەی ئەڵمانیایان ئاشكرا كرد.
لە مەشق و راهێنانەكانی یانە ئەڵمانیەكەدا جەمال موسیالا تووشی پێكانێكی ماسولكەیی هاتووە.
بەپێی زانیارییەكانی رۆژنامەی بێڵد موسیالا بۆ ماوەی سێ هەفتە لە یاریگاكان دووردەكەوێتەوە.
پێشتر لە بەیاننامەیەكدا بەیاننامەیەكدا میونشن پێكانی جەمال موسیالای پشتڕاستكردەوە.
Jamal Musiala muss vorerst pausieren. Benjamin Pavard fehlt krankheitsbedingt.
🔗 https://t.co/sAWoxiojJG#MiaSanMia #FCBayern
— FC Bayern München (@FCBayern) August 23, 2023
رۆژنامە ئەڵمانیەكە ئەوەشی ئاشكرا كردووە كە ماوەی گەڕانەوەی پەیوەستە بە زوو چاكبونەوەیەوە.
بێڵد ئەوەشی خستووەتە روو، گومان لە بەشداریكردنی ناوەڕاستكارەكە دەكرێت لە یارییەكانی هەڵبژاردەی ئەڵمانیا لە ماوەی پشووە نێودەوڵەتیەكاندا.
چاوەڕوان دەكرێت بەرواری 9ی ئەیلوول ئەڵمانیا رووبەڕووی ژاپۆن ببێتەوە و دوای سێ رۆژ بەرامبەر فەڕەنسا یاری بكات.
رۆژنامەكە ئەوەشی ئاشكرا كردووە، چاوەڕوان دەكرێت موسیالا دوای كۆتاییهاتنی یارییە نێودەوڵەتیەكان بگەڕێتەوە.
وەرزی رابردوو جەمال لە 33 یاری بۆندسلیگا بەشداریكرد و توانی 12 گۆڵ بكات و 13 گۆڵیش درووست بكات.
