هەموو شتێک لەبارەی چامپیۆنزلیگی 2023-2024 بزانە

یاریگا –

لە دەستپێکردنەوەی وەرزێکی نوێی چامپیۆنزلیگ نزیکدەبینەوە، تۆڕی وەرزشی یاریگا وەک هەمیشە، رووماڵێکی فراوانی تەواوی گۆشەکانی پاڵەوانیەتییەکە دەکات.

چامپیۆنزلیگ یەکێکە لە بەهێزترین پاڵەوانیەتییەکان لەسەر ئاستی جیهان، چۆن وا نەبێ، باشترین یاریزانان و یانە گەورەکان بەشداری تێدا دەکەن.

ریال مەدرید، بارسێلۆنا، مانچێستەر سیتی، مانچێستەر یونایتد، پاریس سانجێرمان، میلان و ئینتەر میلان جارێکی دیکە لەم وەرزە کێبڕکێ لەسەر نازناوەکە گرانبەهاکە دەکەن.

لەم بابەتەدا، تەواوی وردەکارییەکانی ئەم وەرزەی چامپیۆنزلیگ بزانە. یانە بەشداربووەکان کێن؟ لە کوێ سەیری یارییەکان بکەیت و چەندین زانیاری دیکە.

تیروپشکی چامپیۆنزلیگ کەی دەکرێت؟

مەراسیمی راکێشانی تیروپشکی قۆناخی کۆمەڵەکانی چامپیۆنزلیگ رۆژی پێنجشەممە 31ی ئابی 2023 بەڕێوەدەچێت.

چۆن سەیری تیروپشکەکە بکەین؟

پێگەی فەرمی یەکێتیی تۆپی پێی ئەوروپا UEFA بە شێوەیەکی راستەوخۆ تیروپشکەکە دەگوازێتەوە، لەم لینکەوە دەتوانیت سەیری بکەیت.

هەروەها لە سۆشیال میدیا و ماڵپەڕی یاریگا، دەتوانن بە کۆمێنتاری چێنەر عەبدولقادر، سەیری تیروپشکەکە بکەن.

لە بەریتانیا تۆڕی هەواڵی TNT مافی گواستنەوەی چالاکی و یارییەکانی چامپیۆنزلیگی هەیە و لە ویلایەتە یەکگرتووەکانی ئەمریکاش، پاراماونت+ مافەکانی کڕیوەتەوە.

چەند یانە گەیشتوونەتە قۆناخی کۆمەڵەکان؟

چامپیۆنزلیگی ئەم وەرزەش بە بەشداری 32 یانە بەڕێوەدەچێت، تاوەکو ئێستا 26 یانە بە شێوەیەکی ئۆتۆماتیک گەیشتوونەتە ئەم قۆناخە، بڕیارە شەش یانەی دیکەش، لە پاڵاوتنەکان، بلیتەکانی گەیشتن بەم قۆناخە یەکالیی بکەنەوە.

یانەکان بەسەر چوار سەبەتە دابەش دەکرێت. پێنج یانەی ئیسپانی، چوار یانەی ئینگلیزی، ئەڵمانی و ئیتاڵی گەیشتووەنەتە قۆناخی کۆمەڵەکان. یانەکانی ئەم وڵاتانە نیوەی بەشداربووانی چامپیۆنزلیگن.

سەبەتەکانی قۆناخی کۆمەڵەکان

*رەنگە بۆ سەبەتەی چوارەم داببەزن

کەی یارییەکانی قۆناخی کۆمەڵەکان دەستپێدەکەن؟

وەرزی 2023-2024ی چامپیۆنزلیگ لە 19ی مانگی سێپتێمبەر (داهاتوو) دەستپێدەکات و لە خوارەوە، کاتی تەواوی گەڕی قۆناخەکە بزانە.

یارییەکان لە کوێ ببینین؟