بە فەرمی عوسمان دێمبێلی پەیوەندی بە پاریس سانجێرمان کرد
یاریگا –
بە شێووەیەکی فەرمی عوسمان دێمبێلی فەڕ پەیوەندی بە پاریس سانجێرمان کرد.
کەمیک پێش ئێستا پێگەی فەرمی پاریس سانجێرمان بڵاویکردەوە، بەشێوەیەکی فەرمی هێرشبەری پێشووی یانەی بارسێلۆنای ئیسپانی عوسمان دێمبێلی، پەیوەندی بە یانەکەیان کردووە و یاریزانێکی نوێی سانجێرمانە.
گرێبەستی ئەستێرە فەڕەنسییەکە لەگەڵ پاریس سانجێرمان بۆ ماوەی چوار وەرز دەبێت، ناوبراو تا هاوینی ساڵی 2028 درێسی سانجێرمان دەپۆشێت.
Bienvenue dans ta nouvelle maison, Ousmane ! ❤️💙#WelcomeDembélé pic.twitter.com/AgkrvX0feK
— Paris Saint-Germain (@PSG_inside) August 12, 2023
تێچووی گرێبەستی یاریزانە تەمەن 26 ساڵانییەکە 50.4 ملیۆن یۆرۆیە، کە ئەو بڕە پارە مەرجی هەڵوەشاندنەوەی گرێبەستەکەی بوو لەگەڵ یانەی بارسێلۆنای ئیسپانی.
عوسمان لە هاوینی ساڵی 2017 لە یانەی بۆڕووسیا دۆرتمۆندی ئەڵمانی بە بڕی 135 ملیۆن یۆرۆ گواسترایەوە بۆ بارسا، بە درێسی یانە کەتەلۆنییەکە 185 یاری كردووە، توانیویەتی 40 گۆڵ بكات و 43 گۆڵیش درووست بكات.
