باڵۆن دۆر بۆ یاری EA Sports FC 24 زیاد دەکرێت
یاریگا –
کۆمپانیای ئێلێکترۆنیک ئارتس (EA Sports) بۆ یەکەمجار دابەش کردنی خەڵاتەکانی باڵۆن دۆر دەخاتە نێو ڤیدیۆ گەیمی EA Sports FC24.
دوای جیابوونەوەی EA Sports لەگەڵ فیفا، ئەمجارە ئی ئەی سپۆرتس بە تەنیا ڤێرژنێکی نوێی ڤیدیۆ گەیمی تۆپی پێ بە چەندین بژاردەی نوێی و بە ناوی EA Sports FC 24 دەخاتە بازاڕەوە. ئەمجارە ڤیدیۆ گەیمەکە مەراسیمی دابەشکردنی خەڵاتەکانی باڵۆن دۆریش لەخۆدەگرێت.
It's official. The #BallondOr is coming to #FC24 Career.
See all the new features in 2 hours: https://t.co/HWnrvaafFL@francefootball pic.twitter.com/nYlHEWkuvb
— EA SPORTS FC (@EASPORTSFC) July 31, 2023
زیادکردنی بژاردەی باڵۆن دۆر، کاریگەری زۆر لەسەر ڤیدیۆ گەیمەران دەکات و مەراسیمەکە لە کۆتایی ساڵی نێو یارییەکە دەکرێت و جۆرێک لە چێژی نوێ بە یارییەکە دەبەخشێت.
تاوەکو ئێستا وادەی بڵاوکردنەوەی ڤیدیۆ گەیمی EA Sports FC 24 دەستنیشان نەکراوە، بەڵام پێدەچێت لە پاییزی ئەمساڵ یارییەکە بەردەست بێت.
