بەڕێوەبەری کارەکانی ئۆسیمین تووڕەیە
یاریگا –
ڤیکتۆر ئۆسیمین هیچ کێشەیەکی لە گفتوگۆکانی نوێکردنەوەی گرێبەستەکەی لەگەڵ ناپۆلی نییە.
رۆبێرتۆ کالێندا، بەڕێوەبەری کارەکانی ئۆسیمین رەتیدەکاتەوە، ئەستێرەی نایجێریا هیچ کێشەیەکی لە پڕۆسەی نوێکردنەوەی گرێبەستەکەی لەگەڵ پاڵەوانی ئیتاڵیا هەبێت. ئەمەش دوای بڵاوبوونەوەی چەندین راپۆرتی رۆژنامەوانی، بەوەی ئۆسیمین لە نوێکردنەوەی گرێبەستەکەی لەگەڵ ناپۆلی نیگەرانە.
Leggo sul Mattino che “Calenda non ha alcuna intenzione di rinnovare in estate e che prima vuole sondare tutte le strade del mercato”. Fake news.
— Roberto Calenda (@RobertoCalenda) July 17, 2023
کالێندا لە تویتەر، هەواڵەکەی رۆژنامەی IL Mattinoی رەتکردەوە، کە رۆژنامەیەکی گەورەی ناپۆلییە
لە رۆژنامەی IL Mattino هەواڵێکم بینی کە دەڵێت، ئۆسیمین دڵخۆش نییە گرێبەستەکەی نوێ بکاتەوە، ئەم هەواڵە بە تەواوی رەتدەکەمەوە.
ئۆسیمین لە لایەن چەندین یانەی گەورەی وەک بایرن میونشن، پاریس سانجێرمان و مانچێستەر یونایتد داواکراوە، بەڵام هێشتا دوو ساڵ بۆ بەسەرچوونی گرێبەستەکەی لەگەڵ ناپۆلی ماوە.
ئۆرێلیۆ دی لاورێنتیس، سەرۆکی پاڵەوانی ئیتاڵیا دەیەوێت لەم هاوینەدا گرێبەستی ئۆسیمین نوێ بکاتەوە، بۆ ئەوەی لە چنگی زلهێزەکانی ئەوروپا دووری بخاتەوە.
