ئینگلتەرا
مان یونایتد واز لە ئۆنانا ناهێنێت
یاریگا
مانچێستەر یونایتد سوورە لەسەر گواستنەوەی ئاندرێ ئۆنانا گۆڵپارێزی یانەی ئینتەر میلانی ئیتاڵیا.
فابریزیۆ رۆمانۆ رۆژنامەنوسی ئیتاڵیا بڵاویکردەوە کۆتا ئۆفەری شەیتانە سوورەکان بۆ گواستنەوەی گۆڵپارێزە کامیرۆنیەکە بەرامبەر 40 ملیۆن یۆرۆ لەگەڵ 5 ملیۆنی زیادە لەلایەن نێرازۆری رەتکراوەتەوە.
رۆمانۆ دەشڵێت کارگێری مان یو بەردەوام دەبێت لەسەر هەوڵەکانی بۆ گواستنەوەی ئۆنانا و خودی ئەو یاریزانەش ئامادەیە پەیوەندی بە یانە ئینگلیزیەکەوە بکات، ئەگەر هەردوو یانە رێکەوتن.
لەلایەکی دیکەوە جیانلوکا دی مارزیۆ رۆژنامەنوسی ئیتاڵیش بڵاویکردووەتەوە، یانەکەی شاری مانچێستەر ئامادەیە ئۆفەرەکەی بۆ 52 ملیۆن بەرز بکاتەوە.
