ئیتاڵیا
ئالێگری نزیکە لە جێهێشتنی ریزەکانی یوڤێنتوس
یاریگا
ماسیمیلیانۆ ئالێگری راهێنەری ئیتاڵی یانەی یوڤێنتوسی ئیتاڵی نزیکە لە جێهێشتنی ریزەکانی یانەکەی و وەرگرتنی پۆستی راهێنەرایەتی یانەی هیلالی سعودیا.
کەناڵی beIN SPORTـی قەتەری بڵاویکردەوە دانوستانەکان لە نێوان بەرپرسانی یانە سعودیەکە و راهێنەرە ئیتاڵیەکە بەردەوامن و هەردوولا نزیکن لە رێکەوتن و چاوەڕێ دەکرێت لە ماوەی چەند رۆژی داهاتوو، کۆتایی بە پرۆژەکە بهێندرێت.
ئەم هەواڵە لە کاتێکدایە ئێوارەی ئەمڕۆ رۆژنامەی وەرزشی ئاسی ئیسپانی بڵاویکردەوە، لە سعودیا هاندەرانی یانەی هیلال لە تۆڕی کۆمەڵایەتی تویتەر هاشتاگی نا بۆ ئالێگری دەست پێکردووە و نایانەوێت ناوبراو ببێتە راهێنەری یانەکەیان.
لەلایەکی دیکەوە کەناڵە قەتەرییەکە بڵاویکردووەتەوە دانوستاندنەکانی هەردوولا لە شاری کانی فەرەنسا دەستی پێکردووە.
