یاریگا
کەریم بێنزێما، هێرشبەری فەرەنسی یانەی ریال مەدریدی ئیسپانیا رازی بووە پەیوەندی بە یانەی ئیتیحادی سعودیاوە بکات.
بەگوێرەی زانیارییەکانی رۆژنامەی ئاس کەریم بنزیما وەڵامی ئەرێنی بۆ ئەو ئۆفەرە گەورەیەی ئیتیحاد داوەتەوە و لە چەند کاتژمێری داهاتوودا گواستنەوەی بۆ سعودیە بە فەرمی ڕادەگەیەنرێت.
پێدەچێت بنزیما بەردەوام پەیوەندی لەگەڵ کریستیانۆ ڕۆناڵدۆدا هەبووبێت کە لە یانەی نەسڕ یاری دەکات و ڕاوێژی لەگەڵ هاوڕێی پێشووی کردووە سەبارەت بە ژیانی سعودیە و ئاستی خولەکەی ئەم وڵاتە.
بنزیما لە هاوینی 2009 پەیوەندی بە یانەی ڕیال مەدریدەوە کرد بەرامبەر 35 ملیۆن یۆرۆ. ئەستێرە فەڕەنسییەکە لە 647 یاریدا لەگەڵ مێرنگی 353 گۆڵ و 165 ئەسیستی تۆمارکردووە و باشترین گۆڵ دروستکەر و دووەم باشترین گۆڵکاری مێژووی لۆس بلانکۆسە.
