کەریم ئادێمی دەیەوێت یاری بۆ بارسێلۆنا بکات
یاریگا –
کەریم ئادێمی بە کردنی کارێک ئارەزووی یاریکردنی خۆی بۆ بارسێلۆنا دەردەبڕێت.
خوان لاپۆرتای سەرۆکی بارسێلۆنا بە ئاشکرا باسی لەوە کردووە لەم هاوینە هێرشبەرێک دەگوازنەوە، دەنگۆی ئەوەش هەیە هەردوو هێرشبەری یانەکە ئانسو فاتی و رافینیا یانەکە جێدەهێڵن.
رۆژنامەی سپۆرت هێرشبەری یانەی بۆڕووسیا دۆرتمۆند کەریم ئادێمی وەک شوێنگرەوەی فاتی سەیردەکات پاش ئەوەی ناوبراو لە تویتەر ڵایکی پۆستێک دەکات.
کەسێک لە تویتەر نوسیویەتی “باشترین شوێنگرەوە بۆ جێگەی فاتی، کەریم ئادێمییە” یاریزانەکەی دۆرتمۆندیش ئەم پۆستەی بەدڵبووە و ڵایکی کردووە.
Karim Adeyemi has publicly showed his interest in playing for FC Barcelona one day by liking a tweet suggesting he'd be 'the best possible' replacement for Ansu Fati. Via @sport 🇩🇪 pic.twitter.com/kbGHV6vL8a
— barcacentre (@barcacentre) May 11, 2023
ئەم کارەی ئادێمیش بە سادەیی حەزی یاریزانەکە نیشاندەدات بۆ یاریکردن بە درێسی بارسێلۆنای کەتەلۆنی.
یاریزانە 21 ساڵانییەکە لەم وەرزە لە 29 یاری و لەکۆی ئەنجامدانی 1,668 خولەک یاریکردن 9 گۆڵی بۆ دۆرتمۆند کردووە، خاوەنی 6 ئەسیستیشە.
