ئەم وەرزە بۆ ستێفان شەعراوی کۆتایی هات

یاریگا

لە یارییەکەی نێوان رۆما و مۆنتیزا لە هەفتەی 33ـی خولی ئیتاڵیا کە بە ئەنجامی 1-1 یەکسانبوون کۆتایی هات، ستێفان شەعراوی تاکە گۆڵی بۆ جیالۆرۆسی تۆمارکرد، بەڵام توشی پێکانێکی سەخت بوو.

رۆژنامەی وەرزشی لاگازێتا دلۆ سپۆرتی ئیتاڵی بڵاویکردەوە، ئەم یاریزانە باڵە تەمەن 30 ساڵە تووشی پێکانێکی سەخت بووە لە ماسولکەکانی شانەکانیدا، بەم هۆیەوە نزیکەی مانگێک لە یاریگاکان دوور دەکەوێتەوە.

بەم شێوەیە ئەم وەرزە بۆ شەعراوی بە کردەوە کۆتایی هاتووە، بەڵام ئەگەر ڕۆما بگاتە یاری کۆتایی یۆرۆپالیگ، ڕەنگە فیرعەونە بچووکەکە چانسی یاوەری جیالۆرۆسی لە یارییەکە بەدەستبهێنێت.

شەعراوی ئەم وەرزە لە سەرجەم خوڵ و پاڵەوانتیەکان بەشداری 38 یاریکردووە و خاوەنی 7 گۆڵ و دوو ئەسیستە.