یاریگا –
ئێرلینگ هالاند، هێرشبەری نەرویجی یانەی مانچێستەر سیتی ئینگلیزی بەردەوامە لە شكاندنی ژمارە پێوانەییەكان لە خولی ئینگلیزی.
شەوی رابردوو مانچێستەر سیتی لە یاریگای ئیتیحادی تایبەت بە خۆی میوانداری وێستهامی كرد و یاریەكەشی بە ئەنجامی سێ گۆڵی بێ وەڵام لێ بردەوە، لە میانی یاری دواخراوی هەفتەی 28.
گۆڵەكانی سیتی لەلایەن ئاكێ لە خولەكی 49 و هالاند لە خولەكی 70 و فۆدین لە خولەكی 85 تۆمار كران.
بە تۆمار كردنی ئەو گۆڵە هالاند ژمارەی گۆڵەكانی لەم وەرزەی پرێمەرلیگ بۆ 35 گۆڵ بەرز كردەوە و بەوەش لە پێشەنگی گۆڵكارانی ئەم وەرزەی خولەكەدا دێت.
هەروەها ریكۆردی زۆرترین گۆڵی لە وەرزێكی پریمەرلیگدا شكاند دوای ئەوەی ژمارەی ئاندی كۆڵ و ئاڵان شیرەری تێپەڕاند.
35 – Erling Haaland has scored 35 Premier League goals this season, the most by a player in a single campaign in the English top-flight since Ron Davies in 1966-67 (37). Inevitable. pic.twitter.com/FaRiUbSsPi
— OptaJoe (@OptaJoe) May 3, 2023
مانچێستەر سیتی بە كۆكردنەوەی 79 خاڵ لە پێشەنگی ریزبەندی پرێمەرلیگ دێت و بە جیاوازی یەك خاڵ لە پێش ئارسیناڵی دووەمەوەیە.
