یاریگا –
ئێرلینگ هالاند، ئەستێرەی هەڵبژاردەی نەرویج و یانەی مانچێستەر سیتی ئینگلیزی ژمارەیەكی نایابی لە خولی ئینگلیزی تۆمار كرد.
شەوی رابردوو مانچێستەر سیتی بوویە میوانی ساوسهامبتۆن و یارییەكەشی بە ئەنجامی چوار گۆڵ بەرامبەر گۆڵێك لێ بردەوە، لە میانی یارییەكانی هەفتەی 30 خولی ئینگلیزیدا.
گۆڵەكانی یارییەكە لەلایەن هالاند دوو گۆڵ لە خولەكەكانی 45 و 68 و گریلیش لە خولەكی 58 و ئەلڤارێز لە خولەكی 75 تۆمار كران و تاكە گۆڵەكەی ساوسهامبتۆنیش لەلایەن سیكۆ مارا لە خولەكی 72 تۆمار كرا.
Running out of words for @ErlingHaaland 🤯 pic.twitter.com/evnd267QBc
— Manchester City (@ManCity) April 8, 2023
بە كردنی ئەو دوو گۆڵە هالاند كۆی گۆڵەكانی لەم وەرزەی پرێمەرلیگ بۆ 30 گۆڵ بەرزكردەوە و بە جیاوازی 7 گۆڵ لە پێش هاری كەین دێت كە 23 گۆڵی تۆمار كردووە.
هێرشبەرە نەرویجییەكە پێوویستی تەنیا بە 27 یاری بوو تا بگاتە گۆڵی ژمارە 30 لە خولی ئینگلیزیدا و بەوەش بوو بە خێراترین یاریزان بگاتە ئەو ژمارەیە.
🧘🏼♂️ pic.twitter.com/ude1jfsUWP
— Erling Haaland (@ErlingHaaland) April 8, 2023
هەروەها بوو بە سێیەم یاریزان لە دوای ئەندی كۆل لە وەرزی 1993/94 و كیڤین فلیپس لە وەرزی 1999/20 لە یەكەم وەرزی خۆیاندا لە پرێمەرلیگ 30 گۆڵ تۆمار بكەن.
