یاریگا –
راپۆرتە رۆژنامەوانیەكان ئاشكرایانكرد یانەی چێڵسی ئینگلیزی راهێنەرێكی وەك شوێنگرەوەی یەكەمی گراهام پۆتەر دیاری كردووە.
دوێنێ لە بەیاننامەیەكی فەرمیدا چێڵسی دوورخستنەوەی گراهام پۆتەری لە پۆستی راهێنەرایەتیكردنی یانەكەی راگەیاند بەهۆی ئەنجامە خراپەكانیەوە.
Club statement.
— Chelsea FC (@ChelseaFC) April 2, 2023
فابریزیۆ رۆمانۆ رۆژنامەنووسی شارەزا لە بواری گواستنەوەی یاریزانان ئاشكرایكرد جولیان ناگلیسمان راهێنەری پێشووی بایرن میونشن پاڵێوراوە بۆ راهێنەرایەتیكردنی چێڵسی.
فابریزیۆ لە هەژماری تایبەتی خۆی لە تۆڕی كۆمەڵایەتی توویتەر نووسیویەتی: ناگلیسمان پاڵێوراوی سەرەكییە بۆ شوێنگرتنەوەی گراهام پۆتەر وەك راهێنەری نوێی چێڵسی.
هەروەها ئاماژەی بەوەشكردووە، گفتوگۆكان بەردەوامن لە نێوان ئیدارەی یانەكەدا بۆ ئەوەی باشترین بڕیار بدرێت.
لە چەند رۆژی رابردوودا ناگلیسمان لە پۆستی راهێنەرایەتیكردنی بایرن میونشن دوورخرایەوە و تۆماس تۆخێل لە جێگای دانرا.
چێڵسی لە ریزبەندی یانزەیەمی پرێمەرلیگ دێت بە كۆكردنەوەی 38 خاڵ لە دوای تێپەڕبوونی 28 هەفتە.
