ویسام بن یەدیر لە خولی ئیسپانییەوە بۆ خولی فەڕەنسیی

یاریگا- ئەمڕۆ ڕاپۆرتە هەواڵییەکان بڵاویان کردەوە ویسام بن یەدیر لە فەڕەنسایە بۆ ئەنجامدانی پشکنینە پزیشیکییەکان و پەیوەندی کردنی بە یانەی مۆناکۆوە.

بە گوێرەی سەرچاوە جیاوازەکان، گواستنەوەی هێرشبەرە فەڕەنسییەکە بۆ میرنشینی مۆناکۆ 40 ملیۆن یۆرۆ دەبێت.

بن یەدیری تەمەن 29 ساڵ پێشینەی لە خولی فەڕەنسیی هەیە و لە 2010-2016 لە ڕیزەکانی یانەی تولوز یاری کردووە، پێش ئەوەی ئەزموونی بگوازێتەوە بۆ یانەی سیڤییای ئیسپانیی، کە بە درێسی یانەکە ئەندەلووسییەکەوە 70 گۆڵی تۆمار کردووە لە 138 یاریدا.