یاریگا
یانەی بایرن میونشنی ئەڵمانی هەموو ئەو دەنگۆیانە رەتدەکاتەوە کە باس لە گواستنەوەی دۆشان ڤلاهۆڤیچ، هێرشبەری سڕبی یانەی یوڤێنتوسی ئیتاڵیا بۆ یانەکەیان دەکەن.
کریستیان فالک رۆژنامەنوسی ئەڵمانی لە رۆژنامەی بیڵد بڵاویکردەوە، ماوەیەکە دەنگۆی ئەوە بڵاوبووەتەوە کارگێری باڤارییەکان گرنگی بە تواناکانی هێرشبەرە سڕبیەکەی خانمە پیرەکە دەدەن، بەڵام ئەو دەنگۆیانە راست نین و ئەو یانەیە هیچ پلانێکی بۆ گواستنەوەی ئەو یاریزانەیان نیە. لە بەرامبەردا یانەکە هۆشداری داوەتە لێرۆی سانێ و سێرج گێنابری هەردوو هێرشبەری یانەکەی، پێویستە پێداچوونەوە بە ئاستی خۆیاندا بکەن.
رۆژنامەنوسەکە ئاماژەی بەوەشکردووە بەرپرسانی بایرن میونشن لەوانەیە هاوینی داهاتوو هێرشبەرێکی نوێ بگوازنەوە، بەڵام بەهیچ شێوەیەک گرنگی بە ڤلاهۆڤیچ نادەن.
