یاریگا
ڤینیسیۆس جونیۆر و رۆدریگۆ هەردوو هێرشبەرە لاوەکەی یانەی ریال مەدریدی ئیسپانیا، زیاتر لە پێنج مانگە نەیانتوانیوە لە دەرەوەی یاریگای خۆیان لە خولی ئیسپانیا بەرامبەر رکابەرەکەیان هیچ گۆڵێک بکەن.
رۆژنامەی وەرزشی ئاسی ئیسپانی بڵاویکردەوە، هەردوو ئەستێرەکەی شاهانەکان ئەم وەرزە هاوکارییەکی باشی یانەکەیان کردووە، بەڵام زیاتر لە پێنج مانگە لەلالیگا نەیتوانیوە بەرامبەر رکابەرەکانیان لە دەرەوەی یاریگای خۆیان هیچ گۆڵێک بکەن. ڤینی دوایین گۆڵی لە دەرەوەی سانتیاگۆ دەگەڕێتەوە بۆ رۆژی 28ـی ئۆگێستی ساڵی رابردوو بەرامبەر ئیسپانیۆل، هەروەها هاونیشتیمانیەکەشی دوایین گۆڵی لە دەرەوەی سانتیاگۆ دەگەڕێتەوە بۆ رۆژی 18ـی سێبتەمبەری ساڵی 2022 ئەویش بەرامبەر ئاتلێتیکۆ مەدرید بوو.
ڤینیسیۆس ئەم وەرزە لە خولی ئیسپانیا بەشداری 22 یاریی کردووە و خاوەنی 7 گۆڵ و 4 ئەسیستە، هەروەها رۆدریگۆش لە کۆی 20 یاریی خاوەنی 4 گۆڵ و 6 ئەسیستە.