یاریگا–
کەریم بێنزێما، هێرشبەری هەڵبژاردەی فەرەنسا و یانەی ریال مەدریدی ئیسپانیا، بانگهێشتی یاری کۆتایی مۆندیالی 2022 کراوە.
رۆژنامەی وەرزشی مارکای ئیسپانیا بڵاویکردەوە، هێرشبەرەکەی کەلەشێرەکان لەلایەن فێدراسیۆنی تۆپی پێ وڵاتەکەی بانگهێشتکراوە، وەکو پاڵپشتیەک بۆ یاریزانان لە یاری کۆتایی مۆندیال ئامادەبێت و، هەرچەندە ئەو یاریزانە تاوەکو ئێستا بڕیاری کۆتایی نەداوە.
بێنزێما بەهۆی پێکان نەیتوانی بەشداری مۆندیال بکات و دوورخرایەوە، هەرچەندە ناوی لە لیستی یاریزانەکان ماوە، بەڵام بانگهێشتکردنی تەنها وەکو پاڵپشتیە و بەشداری یارییەکە ناکات.
