یەکەم ڕاهێنەر لەم وەرزە وازی لە ئەرکەکەی هێنا و ئاراراتیش پێشەنگی وەرگرتەوە

ئەمڕۆ لە دوا یارییەکانی گەڕی هەشتەمی خولی نایابی عێڕاق یانەی ئارارات پێشەنگی یانەکانی وەرگرتەوە و شەقڵاوەش سەرکەوتنێکی گرینگی بە دەستهێنا.

یانەی هەندرێن لە نێو یاریگای خۆیدا میوانداری یانەی پێشمەرگەی هەولێری کرد و هەر دوو یانەش بەبێ گۆڵ یەکسان بوون.

ئارارات لە شاری دهۆکەوە پێشەنگی خولی یانە پلە نایابەکانی کوردستانی وەرگرت کاتێک بە ئەنجامی 1 _ 0 لە یانەی دهۆکی بردەوە.

لە نێو یاریگای شێروانە لەکەلار هەر دوو یانەی شێروانە و شەقڵاوە بەیەک گەیشتن، یانەی شەقڵاوە توانی بە ئەنجامی 2 _ 0 گۆڵ سەرکەوتن تۆمار بکات.

دوێنێش دوای شکستەکەیان بەرامبەر یانەی سیروانی نوێ ڕاهێنەری یانەی چەمجەماڵ ( یونس سلێمان ) بە فەرمی وازی لە ئەرکەکەی هێنا و بووە یەکەم ڕاهێنەر لەم وەرزەی خولی نایابی کوردستان دەست لە کارەکەی هەڵبگرێت.