یاریگا–
جود بێلینگهام، ناوەڕاستکاری یانەی بورووسیا دۆرتمۆندی ئەڵمانی بووەتە ئامانجی یەکەمی یانەی لیڤەرپوولی ئینگلیزی.
تۆڕی سکای سپۆرتی ئەڵمانی بڵاویکردەوە، یۆرگێن کلۆپ راهێنەری رێدز داوای لە یانەکەی کردووە بە هەر شێوەیەک بێت ساڵی داهاتوو ناوەڕاستکارە لاوەکە بۆ ریزەکانیان بگوازنەوە و، ئەوانیش لەگەڵ بەرێوەبەری کارەکانی ئەو یاریزانە لەسەر هێڵن و هەردوولا گەیشتونەتە رێکەوتنی سەرەتایی.
سکای بڵاویشی کردووەتەوە سەرەڕای ئەوەی یانە ئەڵمانیەکە بەرامبەر دەستبەرداربوون لە بێلینگهام داوای 150 ملیۆن یۆرۆ دەکەن، بەڵام رازی بونە بەرامبەر 100 ملیۆن دەستبەرداری یاریزانەکەیان بن.
