سوارێز ریزەکانی یانەکەی جێدێڵێت

یاریگا–
لویس سوارێز، هێرشبەری هەڵبژاردەی ئۆرگوای و یانەی ناسیۆنالی وڵاتەکەی ریزەکانی یانەکەی جێدێڵێت و پەیوەندی بە هەڵبژاردەکەیەوە دەکات.

فابریزیۆ رۆمانۆ رۆژنامەنوسی ئیتاڵی بڵاویکردەوە، هێرشبەرە ئۆرگواییەکە سەرەتای ساڵی 2023 گرێبەستەکەی لەگەڵ یانەکەی کۆتایی دێت، بەڵام دوای بەدەستهێنانی ناسناوی ئەم وەرزە بڕیاریداوە پێش وەختە یانەکەی جێبێڵێت و بە مەبەستی ئامادەکاری بۆ مۆندیالی قەتەر پەیوەندی بە هەڵبژاردەی وڵاتەکەی بکات.

رۆمانۆ ئاماژەی بەوەش کردووە سوارێز سەرەڕای ئەوەی مانگی یەکی ساڵی داهاتوو گرێبەستەکەی کۆتایی دێت، بەڵام تاوەکو ئێستا چارەنوسی خۆی یەکلایی نەکردووەتەوە.