ئۆسمین دەبێتە شوێنگرەوەی لێڤاندۆڤسکی

یاریگا–
یانەی بایرن میونشن ئەڵمانیا هەوڵەکانی بۆ گواستنەوەی ڤیکتۆر ئۆسمین، هێرشبەری یانەی ناپۆلی ئیتاڵیا دەست پێکردووە.

رۆژنامەی کۆریرۆ دلۆ سپۆرتی ئیتاڵی زانیاری دەستکەوتووە، کارگێری یانەی ئەڵمانیەکە هەوڵەکانی بۆ گواستنەوەی هێرشبەری یانە ئیتاڵیەکە دەست پێکردووە و، ئامانجیانە ئەو یاریزانە وەکو شوێنگرەوەی رۆبێرت لێڤاندۆڤسکی گۆڵکاری یانەکەی بگوازنەوە، چونکە یاریزانە پۆڵەندیەکە بریاریداوە یانەکەی بەرەو بارسێلۆنا جێبێڵێت.

رۆژنامە ئیتاڵیەکە بڵاویشی کردووەتەوە، ئەستەکە بایرن میونشن لە توانایدا بێت ئۆسمین بگوازێتەوە، چونکە ناپۆلی بەرامبەر دەستبەرداربوونی داوای 110 ملیۆن یۆرۆ دەکات.