یاریگا–
زینەدین زیدان، راهێنەری پێشووی یانەی ریال مەدریدی ئیسپانیا بۆ پۆستی راهێنەرایەتی یانەی پاریس سانجێرمانی وڵاتەکەی پاڵێوراوە.
جولیێن لاورین رۆژنامەنوسی فەرەنسی ئاشکرای کردووە، زیزۆ پاڵێواروە بۆ ئەوەی لە شوێنی ماوریسیۆ پۆچێتینیۆ ببێتە راهێنەری شازادەکان و، چاوەڕێش دەکرێت کارگێری یانەکە هەوڵەکانیان بۆ ئەم مەبەستە دەست پێبکەن.
ئەو رۆژنامەنوسە ئاشکراشی کردووە چاوەڕێ دەکرێت زیدان لە دوای دەرکردنی لیۆناردۆ بەرێوەبەری وەرزشی یانەکە، رازی بێت بە وەرگرتنی پۆستی راهێنەرایەتی ئەو یانەیە.
