یاریگا-
یۆرگن كلۆپی ئەڵمانی و ڕاهێنەری یانەی لیڤەرپولی ئینگلیزی ئامادەنەبوونی هەریەك لە محەمەد سەڵاحی میسڕی و ڤێرجیل ڤان دایكی هۆڵەندی بۆ یاریەكەیان بەرامبەر ساوسهامبتۆن ڕاگەیاند.
وا بڕیارە ئەمڕۆ سێشەممە كاتژمێر 21:45بە كاتی كوردستان ساوسهامبتۆن لە یاریگای خۆیدا میوانداری لیڤەرپول بكات ، لە میانەی یاریەكانی هەفتەی 37ی پریمەرلیگ.
لە یاری كۆتایی جامی یەكێتی ئینگلتەرا بەرامبەر چێڵسی هەردوو یاریزان تووشی پێكان بوون.
لە كۆنگرەی ڕۆژنامەوانی پێش یاریەكەیان كلۆپ ووتی: سەڵاح و ڤان دایك بەشداری ناكەن بەرامبەر ساوسهامبتۆن ، ئەگەری هەیە بۆ كۆتا یاری پریمەرلیگ ئامادە بن ئەگەر چەند خولەكێكی كەمیش بێت.
سەبارەت بە ئامادەبوونیان بۆ یاری كۆتایی چامپیۆنزلیگ ووتی: بە دڵنیاییەوە بەشداری دەكەن و ئامادە دەبن.
