ئافرەتانی بارسێلۆنا بردنەوەیەکی گەورەیان بەدەستهێنا

‎یاریگا-
‎ئێوارەی ئەمڕۆ ئافرەتانی یانەی بارسێلۆنا لە یاریی چوونی قۆناخی پێشکۆتایی چامپیۆنزلیگ بردنەوەیەکی گەورەیان بەرامبەر ئافرەتانی وۆلفسبۆرگی ئەڵمانیا بەدەستهێنا.

‎ئافرەتانی بلاوگرانا لە یاریگای کامپ نۆ بە ئامادەبوونی زیاتر لە 90 هەزار هاندەر لە یاریی چوونی قۆناخی پێشکۆتایی میوانداری رکابەرە ئەڵمانیەکەیان کرد و، توانیان یارییەکە بە ئەنجامی 5-1 بردنەوە بەدەست بێنن.

‎هەردوو یانە لە پێناو یەکلایی کردنەوەی بلیتی یاری کۆتایی، هەفتەی داهاتوو لە ئەڵمانیا رووبەڕووی یەکتری دەبنەوە.