مۆندیال
ئەو هەڵبژاردەیەی ئەنشلۆتی لە جامی جیهانی پشتیوانیی دەکات
یاریگا-کارلۆ ئەنشلۆتی ئەو هەڵبژاردەیە ئاشکرادەکات کە لە جامی جیهانی قەتەڕ هاندەریان دەبێت.
هەڵبژاردەی وڵاتەکەی کارلۆ نەگەیشتە جامی جیهانی پاش ماڵئاوایی ئیتاڵیا لەسەر دەستی مەکدۆنیا، هەر بۆیە پرسیاری ئەوە لە راهێنەرەکەی ریاڵ مەدرید کرا کە هانی کێ دەدات لە جامی جیهانی.
ئەویش بۆ کەناڵی رای وتی “من دەبمە هاندەری کەنەدا، ساڵانێکی زۆرە لە جامی جیهانی بەشدارییان نەکردووە، جگە لەوەی کەنەدا ماڵی دووهەمی منە. پاشانیش سەرۆکی تۆپی پێی کەنەدا لە بنەڕەتدا خەڵکی ئابروزۆیە(ناوچەیەک لە ئیتاڵیا)، بۆیە ئێمە هانی ئەوان دەدەین”.
