یاریگا–
کارگێری یانەی بارسێلۆنای ئیسپانیا دەیەوێت بۆ وەرزی داهاتوو رۆبێرت لیڤاندۆڤسکی بگوازێتەوە ریزەکانی.
کەناڵی TVP Sportـی پۆڵەندی بڵاویکردەوە، کارگێری بلاوگرانا ماوەیەکە هەوڵەکانی بۆ رازیکردن هێرشبەری هەڵبژاردەی وڵاتەکەیان دەست پێکردووە و، لە کۆتاییدا توانیان یاریزانەکە رازی بکەن، بۆ ئەوەی وەرزی داهاتوو پەیوەندی بە یانەکەیانەوە بکات، ئەوەی ماوە رازیکردنی کارگێری یانەی بایرن میونشنە.
سەرچاوەکە ئەوەشی باسکردووە، لیڤا کارگێری یانەکەی لەم بابەتە ئاگادار کردووەتەوە و گرێبەستەکەشی لەگەڵ بارسێلۆنا بۆ ماوەی سێ وەرزە.
