یاریگا–
سێزار ئازپلیکویتا، بەرگریکاری ئیسپانی یانەی چێڵسی ئینگلیزی گرێبەستەکەی نوێدەکرێتەوە و ئەستەمە بتواێت پەیوەندی بە ریزەکانی بارسێلۆناوە بکات.
رۆژنامەی دەیلی مایلی بەریتانی بڵاویکردەوە، یەکێک لە مەرجەکانی نوێکردنەوەی گرێبەستی بەگریکارە ئیسپانیەکەی بلوز لەگەڵ یانەکەی، ژمارەی یارییەکانی بوو و، دوای ئەم مەرجە یانەکە دەتوانێت بێ گەڕانەوە بۆ ئەو یاریزانە گرێبەستەکەی نوێ بکاتەوە، بەم شێوەیە ئەو یاریزانە گرێبەستەکەی بۆ ماوەی وەرزێکی دیکەش نوێ دەکرێتەوە.
ئازپلیکویتا هاوینی داهاتوو گرێبەستەکەی کۆتایی دێت و بارسێلۆنا هەوڵێکی زۆریدا ئەو یاریزانە بێ بەرامبەر بۆ ریزەکانی بگوازێتەوە.
