یاریگا-
یانەی بارسێلۆنای ئیسپانی بەیاننامەیەكی فەرمی سەبارەت بە فێران تۆرێس و پێدری گۆنزالیز بڵاوكردەوە.
لە بەیاننامەكەدا بارسێلۆنا ڕایگەیاند كە ئەنجامی پشكنینەكانی ڤایرۆسی كۆرۆنای هەردوو یاریزان نەرێنی بووە و ڤایرۆسەكەیان تێپەڕاندووە.
هەروەها ڕاشیانگەیاند هەردوو یاریزان پەیوەندی دەكەن بە تەواوی یاریزانەكانەوە لە سعودیە بۆ ئەنجامدانی یاری سوپەری ئیسپانیا بەرامبەر ڕیاڵ مەدرید.
وا بڕیارە ڕۆژی چوارشەممە كاتژمێر 22:00 بە كاتی كوردستان هەردوو یانەی بارسێلۆنا و ڕیاڵ مەدرید ڕووبەڕووی یەك ببنەوە لە میانەی یاری پێش كۆتایی سوپەری ئیسپانیا.
