یاریگا–
بەهۆی ئەو کێشانەی هەفتەی رابردوو پیەر ئێمریک ئاوبامێیانگ هێرشىەری گابۆنی یانەی ئارسێناڵ بۆی درووست بوو، یانەکەی بریاریداوە چیدیکە نیشانەی کاپتنی بەم یاریزانە نەدرێت و هاوینی داهاتووش دەستبەرداری دەبن.
فابریزیۆ رۆمانۆ رۆژنامەنوسی ئیتاڵی ئاشکرای دەکات، دوای ئەوەی هەفتەی رابردوو هێرشبەرەکەی گەنەرز یانەکەی ئاگادار کردەوە بەهۆی راپەڕاندنی ئیش و کاری تایبەتی خۆی دەیەوێت سەردانی شاری بارسێلۆنای ئیسپانیا بکات، بەڵام دواتر دەرکەوت قسەکانی راست نەبوون و، بۆ ئەنجامدانی تاتۆ گەشتی ئەم شارەی کردووە، هەر بەم هۆیەوە لە یاری یانەکەی دوورخرایەوە و ئێستاش کارگێری یانەکەی بریاریداوە دەستبەرداری بێت.
ئەو رۆژنامەنوسە ئەوەشی بڵاوکردەوە یانە ئینگلیزیەکە لە ئێستاوە هەوڵەکانیان بۆ گواستنەوەی هێرشبەرێک لە هاوینی 2022 وەکو شوێنگرەوەی ئاوبامێیانگ دەست پێکردووە.
