یاریگا-
عەبدول سەمەد زەلزولی ، یاریزانی لاوی یانەی بارسێلۆنای ئیسپانی باس لە یەكەم گۆڵی خۆی دەكات بۆ بارسێلۆنا.
ئۆساسۆنا لە یاریگای خۆیدا میوانداری بارسێلۆنای كرد و یاریەكەش بە دوو گۆڵ بۆ هەردوولا یەكسان بوون ، لە میانەی یاریەكانی هەفتەی 17ی خولی ئیسپانیا.
عەبدول سەمەد توانی گۆڵی دووەمی یانەكەی لە خولەكی 49 تۆمار بكات.
لە دوای یاریەكە یاریزانە مەغریبیەكە ووتی: من زۆر دڵخۆشم بە تۆماركردنی یەكەم گۆڵم بۆ بارسێلۆنا هیوادارم لە داهاتوودا گۆڵی زیاتر تۆمار بكەم.
هەروەها ووتیشی: بەڵام زۆر دڵتەنگم بە ئەنجامەكە ، شایەنی یەكسان بوون نەبووین ، ئەبێ بەردەوام بین لە ڕاهێنان و كاركردن.
بارسێلۆنا بە كۆكردنەوەی 24 خاڵ لە ڕیزبەندی هەشتەمی لالیگا دێت و بە جیاوازی 18 خاڵ لە ڕیاڵ مەدریدی پێشەنگەوە دوورە.
