یاریگا–
لە یاری نێوان هەردوو یانەی بارسێلۆنا و ریال مەدرید لە گەڕی دەیەمی لالیگا هەردوو یاریزانی بلاوگرانا ئانسۆ فاتی و دی یۆنگ بەهۆی هەست کردن بە ئازار یاریگایان جێهێشت، ئەمەش نیگەرانی لای هاندەرانی ئەو یانەیە دروستکرد.
ئەمڕۆ رۆژنامەی وەرزشی سپۆرتی کەتەلۆنی بڵاویکردەوە، ئەو دوو یاریزانە لەلایەن تیمی پزیشکی یانەکەیان لە یەکەم یەکەی ئامادەکاری دوای دۆڕانەکەی بەرامەبر شاهانەکان، پشکنینیان بۆ کرا و لە پشکنینەکاندا دەرکەوت کە هیچ کێشەیەکیان نیە و، بۆ یاری داهاتووی یانەکەیان بەرامبەر رایۆڤایێکانۆ ئامادە دەبن.
لەلایەکی دیکەوە ئەو سەرچاوەیە ئەو زانیارەشی دەستکەوتووە، تیمی پزیشکی بارسا لە هەوڵی ئەوەدایە عوسمان دێمبلی هێرشبەری فەرەنیش بۆ یاری داهاتووی لالیگا ئامادە بکات.