یاریگا–
کارلۆ ئانچێلۆتی، راهێنەری ئیتاڵی یانەی ریال مەدریدی ئیسپانیا نیگەرانە لەو دۆخەی یانەی بارسێلۆنا کە بەهۆی ئەنجامە لاوازەکان تێکەوتووە.
راهێنەرەکەی شاهانەکان لە کۆنفڕانسی رۆژنامەوانی پێش یاری یانەکەی بەرامبەر ڤیاریال لەلالیگا گووتی ” من هەمیشە سەیری یاری یانەکانی دیکە دەکەم و هەمیشە نیگەران دەبم بە ئەنجامە خراپەکان، یانەکە بارسێلۆنا بێت یاخود هەر یانەیەکی دیکە بێت، بۆیە ئێستا نیگەرانم لەو دۆخەی کە یانە کەتەلۆنیەکە بەهۆی ئەنجامە لاوازەکان تێکەوتووە ”.
ئانچێلۆتی لە بەشێکی دیکەی قسەکانیدا گووتیشی هەموو بیرکردنەوەی تەنها بۆ یانەکەیەتی و هیوادارە بەردەوام بن لەسەر ئەم ئاستە باشە.
