یاریگا–
ریکی پۆیگ، ناوەڕاستکارە لاوەکەی یانەی بارسێلۆنای ئیسپانیا سەرەڕای ئەوەی کە لەلایەن رۆناڵد کومان راهێنەری یانەکەی زۆر بە کەمی یاری پێدەکرێت، بەڵام ئامادەنیە یانەکەی جێبێڵێت و داواکاری رەتکردووەتەوە.
رۆژنامەی وەرزشی سپۆرتی کەتەلۆنیا ئاشکرای کردووە کە ناوەڕاستکارەکەی بلاوگرانا لەلایەن یانەکانی ئایاکسی هۆڵەندی، گرانادا و سێلتاڤیگۆ وڵاتەکەیان داواکاری پێشکەش کراوە بۆ ئەوەی وەرزی داهاتوو یارییان بۆ بکات، بەڵام ئەو یاریزانە هەموو ئەو داواکاریانەی لە پێناو مانەوە لە یانەکەی رەتدەکاتەوە و دەیەوێت وەرزی داهاتوو تواناکانی بۆ راهێنەرەکەی بسەلمێنێت و ناچاری بکات زیاتر گرنگی پێ بدات.
ئەو سەرچاوەیە بڵاویشی کردەوە کە پۆیگ لە چەند یانەیەکی خولی ئەڵمانیا و ئینگڵتەڕاش داواکاری هەبوو، بەڵام هەموو ئەمانەشی رەتکردووەتەوە و بەهیچ شێوەیەک ئامادەنیە یانەکەی جێبێڵێت.
