یاریزانێكی كورد گرێبەستی لەگەڵ كریستاڵ پالاس واژۆ كرد
یاریگا-
یانەی كریستاڵ پالاسی ئینگلیزی بەشێوەیەكی فەرمی گرێبەستی لەگەڵ كاردۆ سدیق واژۆ كرد.
لە بەیاننامەیەكی فەرمیدا هەژماری فەرمی كریستاڵ پالاس لە تۆڕی كۆمەڵایەتی تویتەر ڕایگەیاند كە گرێبەستیان لەگەل هەشت یاریزانی ئەكادیمیای یانەكەیان واژۆ كردووە.
𝗙𝗜𝗥𝗦𝗧 𝗣𝗥𝗢 𝗗𝗘𝗔𝗟𝗦 ✍️
Eight Academy youngsters have signed their first professional contracts!
Congrats, lads! #CPFC | https://t.co/utMcYSDkhb
— Crystal Palace F.C. (@CPFC) July 9, 2021
یەكێك لەو یاریزانانە كاردۆ سدیقە كە كوردە و لەدایك بووی شاری سلێمانیە ، تەمەنی 18 ساڵانە و بەرگریكارە و یاریزانی لاوانی هەلبژاردەی عێراقە.
سەبارەت بە واژۆكردنی گرێبەست لەگەڵ یانەكە ستیڤ باریش سەرۆكی لیژنەی یانەكە ووتی: ئەو یاریزانە لاوانە كە بوونە یاریزانی پیشەگەری تۆپی پێ لەگەڵ كریستاڵ پالاس ، بە سەختی كاریان كردووە بۆ ئەم ساتە و بۆیە شایەنی ئەوەن بە تەواوی چێژ لەم ساتانەیان وەربگرن ، بەڵام ئێستا ئەركیان سەختتر بووە ئەویش ئەوەیە ك.ە پارێزگاری لە ئاستیان بكەن و بە سەختی كار بكەن و خۆیان بەرەو پێشەوە ببەن.
وەرزی داهاتوو كریستاڵ پالاس لە پریمەرلیگ یاری دەكات و یەكەم یاری وەرزی نوێیان لە پریمەرلیگ لەگەل چێلسی دەبێت.
