یاریگا–
یانەی بارسێلۆنای ئیسپانیا هەموو ئامانجیان لەم هاوینە ئەوەیە بەهۆی ئەو قەیرانە داراییەی سەری هەڵداوە دەستبەرداری بەشێک لەو یاریزانانە بێت کە موچەیەکی بەرزیان هەیە، یەکێک لەو یاریزانانەش ئانتوان گریزمان هێرشبەری فەرەنسیە.
رۆژنامەی مۆندۆدێپۆرتیڤۆی نزیک لە بلاوگرانا بڵاویکردەوە کارگێری ئەو یانەیە داهاتووی هێرشبەری فەرەنسی یانەکەیان یەکلایی کردووەتەوە و بە گواستنەوەی سێرخیۆ ئەگوێرۆ پێویستیان بەم یاریزانە نەماوە، بۆیە لە ماوەی چەند رۆژی داهاتوو یاریزانەکە ئاگادار دەکەنەوە کە یانەیەکی دیکە بۆ خۆی بدۆزێتەوە، هەرچەندە ئەستەمە ئەو یاریزانە کە بە پارەیەکی خەیاڵی پەیوەندی بەم یانەیەوە کردووە ئامادەبێت یانەکەی جێبێڵێت.
گریزمان هاوینی ساڵی 2019 بەرامبەر 120 ملیۆن یۆرۆ پەیوەندی بە بارسێلۆنا کردووە و موچەی مانگانەی زیاتر لە دوو ملیۆن یۆرۆ دەبێت، ئەمەش کێشەیەکی زۆری بۆ یانەکەی دروستکردووە و هەر بەم هۆیەوە دەیانەوێت دەستبەرداری بن.
