ئینتەر گرێبەستی باستۆنی لە ترسی مان ستی تازەکردەوە

ئەمڕۆ یانەی ئینتەرمیلان رایگەیاند گرێبەستی ئەلیساندرۆ باستۆنی تاوەکو هاوینی ٢٠٢٤ تازەکراوەتەوە.

باستۆنی ٢٢ ساڵ ناوی بەسترابووەوە بە مانچێستەر سیتی ئەمەش وایکرد یانە ئیتاڵییەکە ئەمڕۆ راستەوخۆ نوێکردنەوەی گرێبەستی بەرگریکارە لاوەکە رابگەیەنێت.

باستۆنی دوو وەرزی بە خواستن لە پارما و ئەتەلەنتا بەسەربرد و لە ٢٠١٩ گەڕایەوە ئینتەر، لەوکاتەوە تا ئێستا ٣٣ یاری بۆ ئینتەرمیلان ئەنجامداوە لە خولی ئیتاڵی لەگەڵ چوار یاری خولی پاڵەوانەکان و هەروەها چوار یاری بۆ هەڵبژاردەی ئیتاڵیا.