یەكەم كاردانەوەی ناوبژیوان دوای هەژمار نەكردنی گۆڵەكەی ڕۆنالدۆ

یاریگا-

دانی ماكیلی ناوبژیوانی یاری نێوان سڕبیا و پورتوگال باس لە هەژمار نەكردنی گۆڵەكەی كریستیانۆ ڕۆناڵدۆ دەكات لە كۆتا خولەكەكانی یاریەكە.

ماكیلی گۆڵێكی درووستی كریستیانۆ ڕۆناڵدۆی هەژمار نەكرد و یاریەكە بە دوو گۆڵ بۆ هەردوولا یەكسان بوون ئەوەش بوویە هۆی توڕە بوونی كاپتنەكەی پورتوگال.

ماكیلی لە لێدوانیدا بۆ ڕۆژنامەی ئابۆلای پورتوگال ووتی: بەپێی سیاسەتی فیفا تەنها دەتوانم بلێم داوای لێ بوردن لە فێرناندۆ سانتۆسی ڕاهێنەر و هەڵبژاردەی پورتوگال بكەم بۆ ئەو ڕووداوەی ڕوویدا، ئێمە وەك دەستەی ناوبژیوانان بە سەختی كار دەكەین بۆ ئەوەی بڕیاری درووست بدەین بەڵام كاتێك هەڵە دەكەین ڕووبەڕووی ڕەخنەیەكی زۆر دەبینەوە.