یاریگا–
محەمەد سەڵاح، هێرشبەری میسڕی یانەی لیڤەرپوولی ئینگلیزی، ئامانجی یەکەمی هاوینی داهاتووی یانەی ریال مەدریدی ئیسپانیایە.
تۆڕی هەواڵی سکای سپۆرتی بەریتانی بڵاویکردووە، شاهانەکان دەیانەوێت بە گواستنەوەی گۆڵکارەکەی فیرعەونەکان کێشەکانی هێلی پێشەوەی یانەکەیان چارەسەر بکەن، بۆیە لە هەوڵی ئەوەدان هاوینی داهاتوو ئەو یاریزانە بۆ ریزەکانیان بگوازنەوە و ئامادەن لە پێناو گواستنەوەی، نزیکەی 40 ملیۆن پاوەند خەرج بکەن.
سەڵاح بەم دواییە لە چاوپێکەوتنێکدا لەگەڵ رۆژنامەی ئاسی ئیسپانی حەزی خۆی بۆ یاریی کردن لە یانەکانی ریال مەدرید و بارسێکۆنا نەشاردەوە و ئەمەش گومانی لەسەر داهاتووی دروست کردووە.
