یاریزانێكی مانچستەر یۆنایتد بەزووترین كات دەیەوێت یانەكە جێبهێڵێت

یاریگا- گومان هەیە لە بەردەوامی یاریزانی یانەی مانچستەر یوونایتدی ئینگلیزی خیسێ لینگارد لەگەڵ شەیتانە سورەكان لەبەر كەمی بەشداریكردنی لە یاریكردن.

بەپێی زانیاریەكانی تۆڕی ” team talk ” لینگارد ئامادەیە لە بازاڕی گواستنەوەی زستانەدا یانەكەی جێبهێڵێت.

سەرچاوەكە ئەوەشی خستە ڕوو كە چەند یانەیەكی ئینگلیزی ، دەیانەوێت یاریزانە 27 ساڵانەكە بگوازنەوە هەروەها یانەكانی ڕینجەرز و سێلتیكی سكۆتلەندی.

لینگارد داوای لە ئیدارەی یانەكەی كردووە ڕێگەی بدەن لە گواستنەوەكانی كانوونی دووەمدا یانەكە جێبهێڵێت، بۆ ئەوەی چانسی بەشداریكردنی لەگەڵ هەڵبژاردەكەی هەبێت لە یۆرۆی داهاتوودا.