ڤیدیۆ: 12 ساڵ بەر لە ئێستا ڕۆناڵدۆ بە لێدانێکی ڕاستەوخۆ گۆڵی ژمارەی 100 خۆی بۆ مانچستەر تۆمار کرد
یاریگا- لە ڕۆژێکی وەک ئەمڕۆی ساڵی 2008 کریستیانۆ ڕۆناڵدۆ گۆڵی 100هـەمینی خۆی بۆ مانچستەر یونایتد تۆمار کرد بەرامبەر ستۆک سیتی.
ئەو یارییە کە مان یو لە نێو ئۆڵدترافۆرد 5-0 گۆڵبارانی میوانەکەی کرد. بۆ مانچستەر لە لایەک و، دۆن ڕۆناڵدۆ لە لایەکیترەوە تایبەتمەندێتی خۆی هەبوو کاتێک بەو بردنەوەیە ئاهەنگیان گێڕا بە هەڵکەوتی 50 ساڵەی وابەستەیی سێر ئالێکس فێرگسن بە دونیای تۆپێ پێ.
کریستیانۆ ڕۆناڵدۆش کە دوو گۆڵی کۆی پێنج گۆڵەکەی تۆمار کرد هەر بە لێدانی ڕاستەوخۆ، یەکەم گەڕانەوەی بوو بۆ نێو یاریگاکان لە دوای 10 هەفتە دوورکەوتنەوە بەهۆی پێکان و نەشتەرگەری لە پاژنەی پێیدا، تەنها 3 خولەکی بەس بوو واژۆ لەسەر گۆڵی ژمارە 100ی خۆی بکات لەگەڵ مان یو. هەروەها بەو گۆڵانەی دژی ستۆک سیتی، تۆڕی سەرجەم 19 یانە ڕکابەرەکانی لە پریمەرلیگ هەژاندبوو
Come for the @ManUtd goal fest, stay for the Cristiano Ronaldo free-kicks 🎯#OnThisDay in 𝟮𝟬𝟬𝟴… pic.twitter.com/XpuZtjuy4r
— Premier League (@premierleague) November 15, 2020
کریستیانۆ لە ماوەی یاریکردنی بۆ مانچستەر، توانیبووی 118 گۆڵ تۆمار بکات.
