لاوترین گۆڵکاری وڵاتەکەیەتی؛ ئیرانکوندا بە گۆڵێک بەرامبەر تورکیا مێژوو تۆمار دەکات

یاریگا –

نێستۆری ئیرانکوندا رۆژی یەکشەممە مێژووی بۆ ئوسترالیا لە پاڵەوانییەتی مۆندیالدا تۆمار کرد.

ئەم یاریزانە تەمەن 20 ساڵە بووە لاوترین یاریزانی تیمی ساکارۆز کە تاوەکوو ئێستا لە مۆندیالی پیاوانی فیفادا گۆڵ بکات. ئیرانکوندا پێشتریش ببووە لاوترین یاریزانی ئوسترالی کە یارییەکی مۆندیالی پیاوان بە سەرەکی دەستپێبکات، دوای ئەوەی ناوی لە پێکهاتەی سەرەکیدا لە بەرامبەر تورکیا راگەیەندرا.

ئیرانکوندا لە خولەکی 27 لە ڤانکۆڤەر گۆڵێکی کرد بۆ ئەوەی پێشکەوتنێکی پێشبینی نەکراو ببەخشێتە ئوسترالیا. ئەمە گۆڵێکی تایبەت بوو. ئیرانکوندا خێرایی خۆی بەکارهێنا بۆ ئەوەی بە لای سێ بەرگریکاری تورکیادا رابکات پێش ئەوەی بە هێمنی تۆپەکە بخاتە نێو تۆڕەکەوە.

#FIFA: Nestory #Irankunda, of Burundian descent, has just scored a goal for Australia and become the youngest Australian to score in the #WorldCup. pic.twitter.com/xpQEm8dxP2

— TWIRWANEHO MOISE 🇨🇩 (@TwirwanehoMoise) June 14, 2026

ئاهەنگێڕانی ئەو بە هێمنی و متمانە بەخۆبوونەوە بوو، لە کاتێکدا هاوتیمەکانی ئاهەنگیان بۆ ساتەوەختێکی یەکجار گەورە بۆ تیمەکە دەگێڕا. بۆ ئیرانکوندا، ئەمە ساتەوەختێکی لەبیرنەکراو بوو. ئەو یەکێکە لە گەشاوەترین بەهرەمەندە لاوەکانی ئوسترالیا و لە کەمپی پەنابەراندا لەدایکبووە.

هاوکات دوای یارییەکە بەفەرمی لەلایەن فیفاوە بە باشترین یاریزانی یارییەکەش دەستنیشانکرا.

Your Superior Player of the Match is Nestory Irankunda.

#FIFAWorldCup #SuperiorPOTM pic.twitter.com/rKGmG0ZFTm

— FIFA World Cup (@FIFAWorldCup) June 14, 2026

پێش یارییەکە، ئیرانکوندا باسی لە گەشەسەندنی خۆی کرد  گوتی کە هێشتا لاوە و فێردەبێت، دانیشی بەوەدا نا کە دەیوویست لەم وەرزەدا کاری باشتر کار بکات، بەڵام رایگەیاند کە کاتەکەی لە واتفۆرد یارمەتیدەر بووە بۆ ئەوەی باشتر لە تۆپی پێی ئەوروپی تێبگات.

ئەستێرە لاوەکە گوتیشی پێویستە یاریزانان بە باشی نان بخۆن، بە باشی بخەون، بە دروستی جەستەیان ببوژێننەوە و بە بەردەوامی بمێننەوە. هەروەها گوتی ساتەوەختی باش و ساتەوەختی قورسیش دەبن، هەموو شتێک بەشێکە لە پرۆسەی فێربوون.

سەرکەوتنی ئیرانکوندا سەرسوڕهێنەر بووە. ئەو لە ئادێلایدەوە چووەتە تۆپی پێی ئەوروپی، یاریی بۆ بایرن میونشن کردووە، چووەتە واتفۆرد و ئێستاش لە گەورەترین شانۆی تۆپی پێدا گۆڵی کردووە، هەموو ئەمانەش تاوەکوو تەمەنی 20 ساڵی.

بەڵام پێش هەموو ئەمانە، راهێنەرێک زوو بەهرەکەی ئەوی بینی. راهێنەری بەڕازیلیی تیمی لاوانی ئایرتن ئاندریۆلی، کە ئێستا راهێنەری سەرەکیی ئادێلاید یونایتدە، سەرنجی ئیرانکوندای دا کاتێک یاریزانێکی لاو بوو لە یانەی ئادێلاید کرواتیا رایدەرز.

ئیرانکوندا لە کەمپێکی پەنابەرانی تانزانیا لە دایک و باوکێکی بوروندیی لەدایکبووە. ئاندریۆلی گوتی ئیرانکوندا وەکوو زێڕ بوو، کارەکەی ئەو یارمەتیدان بووە بۆ لادانی خۆڵ و بەردەکانی دەوروبەری تاوەکوو بتوانێت بدرەوشێتەوە.

Tim Cahill🤝Nestory Irankunda pic.twitter.com/dFWwxdD4v7

— Match of the Day (@BBCMOTD) June 14, 2026