43 ملیۆن پاوەند بۆ مەیسن گرینوود؛ شەیتانە سوورەکان چاوەڕێی پشکی خۆیان دەکەن
ئاستە بەرزەکەی گرینوود سەرنجی هەمووان رادەکێشێت
یاریگا –
لە کاتێکدا مانچێستەر یونایتد خۆی بۆ شۆڕشێکی گەورە لە بازاڕی گواستنەوەی هاوینەی 2026 ئامادە دەکات، هەواڵەکان باس لەوە دەکەن کە یانەکە بڕە پارەیەکی چاوەڕواننەکراوی لە rێگەی ئەستێرەی پێشووی خۆی، مەیسن گرینوود، دەستدەکەوێت.
بەگوێرەی سەرچاوە میدیاییەکان، یانەی مارسیلیای فەرەنسی بەهۆی مەترسی نەگەیشتن بە چامپیۆنزلیگی وەرزی داهاتوو، تووشی قەیرانێکی دارایی بووە. ئێستا یانەکە لە پلەی شەشەمی ریزبەندی لیگ وەنە و چوار خاڵ لە پلەکانی چوارەم و سێیەم دوورە. شکستی ئەم یانەیە لە گەیشتن بە خەونی ئەوروپی ناچاریان دەکات دەستبەرداری گەورەترین سامانی خۆیان ببن، کە ئەویش مەیسن گرینوودە.
Revealed: Mason Greenwood’s transfer price tag – and how Man United could cash in – as Champions League giants hope to capitalise on chaos at Marseille https://t.co/V3q7Cqk9wD
— Daily Mail Sport (@MailSport) April 29, 2026
رۆژنامەی لا گازێتا دێلۆ سپۆرت ـی ئیتاڵی ئاشکرای کردووە کە یانەی یوڤێنتوس ماوەیەکی زۆرە چاودێریی گرینوود دەکات و دەیەوێت لە هاویندا واژۆی ئەستێرەکە بەدەستبهێنێت. مارسیلیا بە کەمتر لە 43 ملیۆن پاوەند دەستبەرداری نابێت. ئەم بڕە پارەیە بۆ مان یونایتد وەکوو دیارییەک لە ئاسمانەوە وایە، چونکە یانە ئینگلیزییەکە لە کاتی فرۆشتنی گرینوود بە 30 ملیۆن پاوەند لە ساڵی 2024، بڕگەی پشکی فرۆشتنەوەی لە گرێبەستەکەیدا جێگیر کردووە.
گرینوود لە فەرەنسا جارێکی دیکە ئاستە ڕاستەقینەکەی خۆی دۆزیوەتەوە؛ تاوەکوو ئێستا لە 42 یارییدا لە سەرجەم پاڵەوانێتییەکاندا بەشداری کردووە و 25 گۆڵ و 10 ئەسیستی کردووە.
ئەم ئاستە بەرزە وای کردووە نەک تەنیا یوڤێنتوس، بەڵکوو چەندین یانەی دیکەی چامپیۆنزلیگ چاویان لەسەر بێت بۆ ئەوەی لە دۆسیەی دارایی مارسیلیا سوودمەند بن.
