یاریگا–
لیۆنێل میسی، گۆڵکاری ئارجێنتینایی بارسێلۆنا بریاریداوە وەرزی داهاتوو یانەکەی جێبێڵێت و رۆژنامەنوسێکی باوەڕپێکراویش داهاتووی ئەو یاریزانەی ئاشکرا کردووە.
کریستین مارتین رۆژنامەنوسی Fox tv کە زۆربەی هەرە زۆری زانیارەکانی راست و دروستن بڵاویکردووە لیۆ دوای جێهێشتنی بارسێلۆنا دەیەوێت پەیوەندی بە یانەی مانچێستەر سیتی بکات و کارگێری ئەو یانەیەش هەموو ئامادەکارییان بۆ گواستنەوەی ئەو یاریزانە کردووە و لە ئینگڵتەڕاش چەند سەرچاوە ئەو زانیارییانەیان پشت راستکردووتەوە.
لەلایەکی دیکەوە رۆی نامار رۆژنامەنوسی دیاری ئارجێنتیناییش ئەو زانیارانەی رۆژنامەنوسەکەی Fox tv پشت راستکردووەتەوە و بە دووری نابینێت کە لیۆ وەرزی داهاتوو درێسی مان سیتی لەبەر بکات.
