یاریگا –
نەوەکوو تەنیا سێبایۆس، جۆردی کرۆیف چاوی بڕیوەتە یاریزانێکی دیکەی ریال مەدرید.
رۆژنامەکانی هۆڵەندا ئەمڕۆ دووشەممە بە دەنگۆی نوێی گواستنەوەکان سەبارەت بە ئایاکس ئەمستردام و بازاڕی گواستنەوەکان دەستیان پێکرد. لەگەڵ ئەو گرنگییەی پێشتر بۆ دانی سێبایۆسی یاریزانی هێڵی ناوەڕاستیان هەیە پێشتر راگەیاندرابوو، ئێستا باس لەوە دەکرێت کە یانەکەی ئەمستردام چاودێریی بەهرەمەندێکی ریال مەدریدیش دەکات.
بەگوێرەی راپۆرتێکی ماتیو مۆرێتۆ، ئایاکس ئارەزووی گواستنەوەی خیسوس فۆرتێیای بەرگریکاری لاو دەکات. یاریزانە تەمەن 19 ساڵەکە ئێستا یاریی بۆ ریال مەدرید کاستیا دەکات کە تیمی دووەمی یانەکەیە و لەم وەرزەدا بەشداریی لە 15 یارییدا کردووە.
El Bayer Leverkusen, el Sporting CP y el Ajax son otros de los equipos que han preguntado por Jesús Fortea, además del Como.
Aún no hay nada decidido y se trata de una fase inicial de contactos. pic.twitter.com/3dTk5Leccj
— Matteo Moretto (@MatteMoretto) April 27, 2026
تاوەکوو ئێستا، فۆرتێیا بە فەرمی یەکەم یاریی بۆ تیمی یەکەم نەکردووە، هەرچەندە لە چەند بۆنەیەکدا ناوی لە لیستی یاریزانە بانگهێشتکراوەکاندا هەبووە. باس لەوە دەکرێت کە جۆردی کرۆیفی بەڕێوەبەری وەرزشیی ئایاکس لە نزیکەوە چاودێری یاریزانەکە دەکات و لە ئێستاوە پرسیاری دەربارەی دۆخی ئەو یاریزانە کردووە.
ئایاکس تەنیا یانە نییە کە ئارەزووی ئەم یاریزانە دەکات. راپۆرتەکە ئاماژە بەوەش دەکات کە یانەکانی بایەر لیڤەرکوزن، سپۆرتینگ و کۆمۆ پرسیاریان دەربارەی بەردەستبوونی یاریزانەکە کردووە.
بۆ ئێستا نرخی فۆرتێیا لەلایەن ماڵپەڕی ترانسفێرمارکتەوە بە نزیکەی 3 ملیۆن یۆرۆ دەخەمڵێندرێت.
