یاریگا –
یانەی هوێسکا بە توندترین شێوە سەرکۆنەی ئەو رووداوانە دەکات کە لە خولەکەکانی کۆتایی یارییەکەی بەرامبەر ریال زاراگۆزا لە یاریگای ئێل ئالکۆراز روویاندا.
یارییەکە بە رووبەڕووبوونەوەیەکی بەکۆمەڵی نێوان یاریزانانی هەردوو تیم کۆتایی هات، کە تێیدا ئیستێبان ئاندرادای گۆڵپارێزی زاراگۆزا مستەکۆڵەیەکی کێشا بە دەموچاوی خۆرخێ پولیدۆی کاپتنی هوێسکا.
🇪🇸 ⚽ 🥊
PORTERO DE ZARAGOZA NOQUEA A RIVAL DE UN GOLPE¡EL DERBI ARAGONÉS SE CONVIRTIÓ EN UNA BATALLA CAMPAL!
⚠️¡SIGUE Y VISITA @ULTIMAHORAENX PARA MÁS!
En el minuto 98 del Huesca versus Zaragoza por la Segunda División, con el marcador uno cero a favor local, el… pic.twitter.com/Qw8O828gfU
— ULTIMA HORA EN X (@ULTIMAHORAENX) April 26, 2026
هوێسکا رایگەیاند لە بەیاننامەیەکی فەرمیدا رایگەیاند: “ئەو رووداوانەی لە دوایین خولەکەکانی یارییەکەدا روویاندا، گوزارشت لە بەهاکانی وەرزش یان ئەو بنەمایانە ناکەن کە یانەکەمان بەرگرییان لێ دەکات”. یانەکە ئەوەشی خستەڕوو کە رەفتاری لەو شێوەیە لە تۆپی پێدا جێگەی نییە و پێچەوانەی ئەو رێز و گیانە وەرزشییەیە کە پێویستە لە کێبڕکێکاندا باڵادەست بێت.
هەروەها هوێسکا پشتڕاستی کردەوە کە ئەو لێبوردننامەیەی لەلایەن ریال زاراگۆزاوە بڵاوکراوەتەوە قبووڵ دەکات و جەختی لەوە کردەوە کە نابێت ئەو رووداوە کاریگەری بخاتەسەر ئەوەی کە یارییەکە نوێنەرایەتی دەکات، کە یەکێکە لە گرنگترین رووبەڕووبوونەوەکانی تۆپی پێی ئاراگۆنیی لە نێوان دوو تیمە سەرەکییەکەیدا.
🗣 AUDIO REVISIÓN VAR
🗓 Jornada 37 | Segunda División
⚽ @SDHuesca 🆚 @RealZaragoza | 90+7′#ArbitrajeRFEF | @CTARFEF pic.twitter.com/fYGsyRoX2q
— RFEF (@rfef) April 26, 2026
لە راگەیەندراوەکەیدا، هوێسکا دووپاتی لە پابەندبوونی بە پاراستنی پەیوەندییەکی دۆستانە، نزیک و پڕ لە رێز لەگەڵ زاراگۆزا کردەوە، کە گونجاو بێت لەگەڵ ئەو پێگەیەی هەردوو یانەکە لە تۆپی پێی ناوچەکەدا هەیانە.
