ئالیکساندەر ئارنۆڵد: هەمووان پێیان وابوو بەخراپی دەدۆڕێین

یاریگا –

ترێنت ئالیکساندەر ئارنۆڵد دوای بردنەوەکەیان بەرامبەر مانچێستەر سیتی قسەی بۆ میدیاکان کرد و ئاماژەی بەوە کرد کە هیچ کەسێک متمانەی پێیان نەبووە.

ئارنۆڵد یەکێک بوو لەو یاریزانانەی کە دەیویست بەرامبەر مانچێستەر سیتی شتێک بسەلمێنیت. دوای چەند مانگێکی سەختی سەرەتا بە گومان و پێکانەوە، یاریزانە ئینگلیزییەکە ویستی هەنگاوێک بچێتە پێشەوە و نیشانی بدات کە ریال مەدرید بە گرێبەستکردن لەگەڵیدا هەڵەی نەکردووە.

ترێنت بەرامبەر تیمەکەی پێپ گواردیۆلا یارییەکی زۆر باشی کرد، ئەگەرچی بەوە ناسراوە کە لەدواوە و لە بەرگریکردندا کێشەی هەیە. دوای یارییەکە بەرگریکارەکە قسەی لەبارەی وەرزی تیمەکە کرد و گوتی هیچ کەسێک پێشبینی ئەو ئەنجامەی نەدەکرد.

ئالیکساندەر ئارنۆڵد گوتی:
زۆرێک خەڵکی پێیان وابوو بەخراپی دەدۆڕێین، بەڵام ئەمە ئەقڵیەتی ئێمەیە: گرنگ نییە چەندێک یاریزانمان پێکانە، پلانی ئالڤارۆ ئاربێلوامان بەشێوەیەکی نایاب بەجێگەیاند. ئێمە ریال مەدریدین، هیچ بیانووییەک نییە، دەزانین دەبێت تەواوی رێگاکە ببڕین و چامپیۆنزلیگ ببەینەوە. هەستمان بە رەنجان کرد کە سیتی لە یاریگای ئێمەدا پاڵێوراو بوو؟ بێگومان، لە یارییەکانی قۆناخی کرانەدەرەوەی چامپیۆنزلیگ هەموو تیمێک دەتوانێت لە تیمێکی دیکە بباتەوە. ئێمە بە باوەڕبەخۆبوونەوە هاتینە ئەم یارییەوە.

بەرگریکارە ئینگلیزییەکە باسی فێدریۆ ڤاڵڤێردیشی کرد:
فێدی بە کەمزانراوترین یاریزانی سەر هەسارەکەیە و چەند ساڵیکیشە بەو جۆرەیە. ماوەیەکی زۆر من سەرسامیم. وزەکەی و ئەوەی بە تیمەکەی دەبەخشێت زۆر گەورەیە، باشترین شتیش ئەوەیە کە هەرگیز گلەیی ناکات. بەلای منەوە ئەو یەکێک لە باشترین ناوەڕاستکارەکانی جیهانە.

هەروەها سەبارەت بە مانگەکانی سەرەشی لە ریال مەدرید گوتی:
دەستپێکم لە ریال مەدرید؟ چەند پێکانێکم هەبوو، بەڵام چونکە توانای جەستەییم گەڕاندووەتەوە، حەزم لەوەیە کە لێرەم و لە یەکەم خولەکیشەوە ئاشقی بوومە. ئەمە خەونێک بوو هاتەدی، هەوڵ دەدەم بە باشترین شێوە خۆم بگونجێنم.