یاریگا –
ئارچیڤۆ ڤار شیکاریی بۆ یارییەکەی ریال مەدرید و سێڵتا ڤیگۆ دەکات و پێی وایە ناوبژیوان هەڵەیەکی گەورەی بەسەردا تێپەڕیوە و دەبوو یاریزانێکی سێڵتا ڤیگۆ کارتی سووری راستەوخۆ وەربگرێت.
شەوی رابردوو لە گەڕی 27ـی یارییەکانی لالیگا، ریال مەدرید بووە میوانی سێڵتا ڤیگۆ و 2-1 یارییەکەی لێ بردەوە.
پێگەی ئارچیڤۆ ڤار بڵاویکردووەتەوە، فێران جوتگلا، هێرشبەری سێڵتا ڤیگۆ بەئەنقەست لە ئۆرێلیەن چوامینی، ناوەڕاستکاری ریال مەدریدی داوە و فاوڵێکی روون بوو، دەبوو ناوبژیوان راستەوخۆ کارتی سووری بە روودا بەرزبکاتەوە یاخود لانیکەم کارتی زەردی پێبدات.
‼️💥 #𝗜𝗻𝗳𝗼𝗿𝗺𝗲𝗔𝗩 | Las 5 acciones polémicas de un Celta de Vigo – Real Madrid con un arbitraje muy pobre de Díaz de Mera Escuderos.https://t.co/0Ap2W2ZO7g
— Archivo VAR (@ArchivoVAR) March 7, 2026
ئارچیڤۆ ڤار دەشڵێت، ئەمە یەکێک لە گەورەترین هەڵەکانی یارییەکە بوو، ناوبژیوان باش دیمەنەکەی نەبینی بەڵام یاریدەدەرەکەی راستەوخۆ دیمەنەکەی لەبەرچاو بوو و نەدەبوو بە هیچ شتێک ئەو رووداوە تێپەڕێت، بەڵکوو دەبوو سێڵتا یارییەکە بە دە یاریزانەوە تەواو بکات.
