یاریگا –
ئەمشەو لە یارییەکانی گەڕی 21ـی لالیگا کاتژمێر 23:00 بەکاتی هەولێر، ریال مەدرید لە ئەرکێکی سەختدا دەبێتە میوانی ڤیاڕیال.
ریال مەدرید هەوڵدەدات سود لە شکستە سەختەکەی بارسێلۆنا بەرامبەر ریال سۆسیداد وەربگرێت کە ئێستا جیاوازی نێوانیان تەنیا یەک خاڵە و دەیەوێت فشاری زیاتر لەسەر یانە کاتالوونیەکە دروست بکات.
ڤیاڕیال یەکێکە لە باشترین چوار یانەکەی ئەم وەرزەی لالیگا، لە یاریگای خۆی 9 یاریی کردووە، 8 یاریی بردووەتەوە و تەنیا یەک یاریی بەرامبەر بارسێلۆنا 2-0 دۆڕاوە.
لەدوای بردنەوە لە ریال مەدرید 2-0 لە ئەیلوولی 2014 ڤیاڕیال لە یاریگای خۆیدا بووەتە بەربەستێکی گەورەی بەردەم ریال مەدرید.
لەدوایین 10 رووبەڕووبوونەوەی نێوانیان لە یاریگای دێ سێرامیکا، ریال مەدرید تەنیا 2 یاریی بردووەتەوە، ڤیاڕیالیش 2 یاریی بردووەتەوە و 6 یاریی یەکسانبوون.
ئەو ژمارانە دەرخەری ئەوەن کەشی ئەو یاریگایە بۆ مێرێنگی زۆر سەخت دەبێت و ئالڤارۆ ئاربێلوای راهێنەری نوێی لالیگاش یەکەم تاقیکردنەوەی سەخت لە لالیگا دەکات.
😍 La diestra de @Sneijder101010… pic.twitter.com/Bdglm31k78
— Real Madrid C.F. (@realmadrid) January 23, 2026
