یاریگا –
بارسێلۆنا و مانچێستەر یونایتد لەم مانگەدا کۆبوونەتەوە بۆ قسەکردن لەسەر بابەتی گواستنەوەی مارکوس راشفۆرد و سەرچاوەیەکیش وردەکارییەکەی ئاشکرادەکات.
بەگوێرەی زانیارییەکانی بین جەیکوبسی رۆژنامەنووسی ئینگلیزی، بارسا دەیەوێ بە هەمیشەیی راشفورد بگوازێتەوە بۆ زیزەکانی کە ئێستا بەخواستن لەو یانە کاتالوونیەیە.
رۆژنامەنووسەکە ئەوەشی زانیوە کە بارسا نایەوێ بڕی مەرجی کڕینەوەی هەمیشەیی کە 30 ملیۆن یۆرۆیە بدات بە مان یونایتد، بەڵکوو بژاردەی دیکەی پەسەندکردووە کە یان لەو بڕە کەمتر دەیەوێت یاخود هێشتنەوەی بۆ دووەم وەرزی بەخواستن بەڵام بە زیادکردنی بڕگەی ناچارکردن تێیدا.
سەبارەت بە خواستی ئەستێرەی ئینگلیزیەکە، جەیکوبس ئاشکرای کردووە کە راشفورد دەیەوێ لە کامپ نو بمێنێتەوە. لەو بارەیەشەوە گفتوگۆی زیاتر پێشبینیکراوە تا کۆتایی وەرزەکە.
Exclusive: Barcelona held a meeting this month with #MUFC to explore options for signing Marcus Rashford permanently.
Barcelona prefer not to trigger the €30m buy option and instead sounded out #MUFC over a lower number and also floated the idea of a second loan with a… pic.twitter.com/ENCNDJGyrr
— Ben Jacobs (@JacobsBen) January 13, 2026
ئەستێرە 28 ساڵانەکە لە 26 بەشداریی ئەم وەرزە لە سەرجەم پاڵەوانێتیەکاندا 6 گۆڵ و 9 ئەسێستی بۆ بلاوگرانا کردووە.
