سەڵاح ریکۆردێکی قورسی لە مێژووی جامی نەتەوەکانی ئەفریقا تۆمارکرد

یاریگا –

محەمەد سەڵاح سەرکردایەتی میسڕی کرد لە بردنەوەیەکی دیکە لە جامی نەتەوەکانی ئەفریقا، ئەمجارە 3-2 لەسەر حیسابی کۆتدیڤوار و هەڵبژاردەکەی گەیاندە چوارگۆشەی زێڕین.

سەڵاح کە لە یارییەکەدا گۆڵێک و ئەسیستێکی کرد، ریکۆردی مێژووی بەناوی ناوی خۆی کرد و توانی ئەفسانەکانی کیشوەری رەش تێپەڕێنێت.

کاپتنی فیرعەونەکان بووە یەکەم یاریزان لە مێژووی جامەکە تۆڕی زۆرترین هەڵبژاردەی جیاوز بهەژێنێت کە 11 تیپە.

بەوەش توانی ژمارەکانی ساموێل ئیتۆی کامیرۆن، دیدیە درۆگبای کۆتدیڤوار و ئاندرێ ئایۆی غانا تێپەڕێنێت کە ئەوان گۆڵیان لە 10 هەڵبژاردەی جیاواز تۆمارکردبوو.

ئەگەرچی رەنگە کۆتا وەشان بێت بەشداری لە جامی نەتەوەکانی ئەفریقادا بکات، بەڵام هێشتا دەرفەت لەبەردەم هێرشبەرەکەی میسڕدا ماوە جیاوازییەکە لەگەڵ ئەوانی دیکە زیاتر بکات. بەوپێیە لە پێش یاریی کۆتایی رووبەڕووی سەنیگال دەبنەوە و، بە گەیشتنیشیان بە فیناڵ بەر براوەی نێوان مەغریب و نەیجیریا دەکەون.

Players who have scored against the most different national teams in AFCON history:

11 – 🇪🇬 Mohamed Salah 🆕️
10 – 🇨🇲 Samuel Eto’o
10 – 🇨🇮 Didier Drogba
10 – 🇬🇭 André Ayew#AFCON2025 pic.twitter.com/1B8QteP3Xe

— Gary Al-Smith (@garyalsmith) January 10, 2026

ئەستێرە 32 ساڵییەکە کە خەڵاتی باشترینی یارییەکەشی پێدرا، لەم وەشانەی پاڵەوانێتیەکەی مەغریب تا ئێستا چوار گۆڵی تۆمارکردووە. ئەوەش هاوشانی ڤیکتۆر ئۆسیمین و جیاوازی گۆڵێک لە براهیم دیازی پێشەنگی گۆڵکاران.